ჩვენი სკოლის ყოველწლიური პროექტი ,,თაობა თაობისთვის’’ მიზნად ისახავს სოციალურად დაუცველი ოჯახების მხარდაჭერასა და მოსწავლეების ჩართვას საქველმოქმედო საქმიანობაში.
27 დეკემბერს, ბათუმი მოლის სივრცეში გაიმართა მოსწავლეების მიერ დამზადებული ხელნაკეთი ნივთების გამოფენა-გაყიდვა.
პროექტი წარმოადგენს სკოლის ტრადიციულ საახალწლო ინიციატივას, რომელიც წლების განმავლობაში ხელს უწყობს მოსწავლეების მოქალაქეობრივი პასუხისმგებლობის ზრდასა და სოციალურ ჩართულობას.
შემოსული თანხა სრულად იქნა გამოყენებული ოჯახების ინდივიდუალური საჭიროებებისთვის. კონკრეტულად კი შევიძინეთ სასურველი ნივთები და საკვები პროდუქტები, რომლებიც გადავეცით ოჯახებს.